ڈرافٹ شرائط و ضوابط برائے نیلامی دکانات تحصیل میونسپل ایڈمنسٹریشن تخت بھائی چیدہ چیدہ شرائط و ضوابط برائے نیلام دکانات نیلامی تاریخ :- چیدہ چیدہ شرائط و ضوابط برائے نیلام دکانات / یونٹ نمبر تحصیل میونسپل ایڈمنسٹریشن تخت بھائی صوبائی حکومت خیبر پختونخواہ کی منظوری سے تعمیر کردہ ٹی ایم اے کمرشل دکانات واقع کوچیانو گراونڈ ٹکر روڈ ، مین ملاکنڈ روڈ نزد قاسم کالونی اور کھنڈرات چوک کوٹ روڈ درجہ ذیل شرائط پر تمام دکانات کو پگڑی / پریمیم کی بنیاد پر مقررہ شدہ کرایہ کے تحت بذریعہ بولی ماہانہ کرایہ پر نیلام کرنا چاہتی ہے۔ نیلامی میں ذیادہ بولی دینے والے فرد/ بولی دہندہ کو دکان مزکورہ الاٹ کیا جائے گا۔ 1- بولی/نیلامی میں حصہ لینے والے خواہشمند افراد تحصیل میونسپل ایڈمنسٹریشن تخت بھائی سے آن لائن فارم حاصل کرکے اس میں دکان / یونٹ نمبر اورآپنے مکمل کوائف درج کرکے ہمراہ زربیعانہ مبلغ Rs1,00,000)) ( ایک لاکھ )بصورت بینک ڈرافٹ / کال ڈیپازٹ بمعہ کمپیوٹرائز شناختی کارڈ کی کاپی بنام تحصیل میونسپل ایڈمنسٹریشن تخت بھائی جمع کرے گا۔ جو کہ ناکام بولی دہندہ کو بعد از اختتام بولی واپس کیا جائے گا۔۔ 2- تحصیل میونسپل ایڈمنسٹریشن تخت بھائی کی جانب سے ہر دکان کے حساب سے پگڑی کی الگ الگ سرکاری بولی کا آغاز کیا جائے گا۔ ۔ اور کامیاب بولی کی صورت میں زیادہ پگڑی/ پریمیم دینے والے فرد/ بولی دہندہ کی پیشکش کو منظوری کے لئے قبول کیا جائے گا۔ اور کامیاب بولی کی صورت میں کامیاب بولی دہندہ ایڈوانس/ پریمیم کی کل رقم کا ¼ حصہ 24 گھنٹے کے اندر اندر ایڈوانس جمع کرنے کا پابند ہوگا۔ جبکہ بقایا 3/4حصہ کامیاب بولی کے (7) یوم کے اندر اندر جمع کرنے کا پابند ہوگا ۔اور اس بابت تحریری معاہدہ عمل میں لایا جائے گا۔ ناکامی کی صورت میں زربعیانہ بحق تحصیل میونسپل ایڈمنسٹریشن تخت بھائی ضبط کیا جائےگا 3- دکان کے لئے مقرر شدہ ماہوار کرایہ جو کہ ,Excise & Taxation C&W اور ڈیپارٹمنٹ کے Analysisکے بعد مقررہ کیا گیا ہے جوہر ماہ کی پانچ تاریخ تک ایڈوانس جمع کرنا لازمی ہوگا۔ مسلسل تین (03) ماہ کرایہ عدم ادائیگی کی صورت میں TMAتخت بھائی کو اختیار حاصل ہوگا۔ کہ وہ معاہدہ منسوح کرکے دکان خالی کریں۔اس سلسلے میں کرایہ دار کا کوئی عذر قابل قبول نہ ہوگا۔ 4- پہلی بار کرایہ داری کی معیاد (10) سال ہوگی۔ اور کرایہ ادار باقاعدہ بولی کی منظوری/ دکان کی حوالگی سے شروع ہوگی۔ بعد از اختتام معاہدہ کرایہ دار TMA کی شرائط سے متفق ہو تو مزید معاہدہ عمل میں لایا جائے گا۔ 5- ایڈوانس / پریمیم ناقابل واپسی ہوگی البتہ TMA تخت بھائی کو دکان کی ضرورت بدوران معاہدہ پیش آیا تو خالی کرنے کی صورت میں ایڈوانس/ پریمیم معاہدہ ختم کرنے کی مدت کے لخاظ سے طے کرنے کے بعد واپس کی جاسکتی ہے۔ 6- کامیاب بولی دہندہ کو اس وقت تک دکان کا چارج نہیں دیا جائے گا۔ جب تک بولی کی باقاعدہ حتمی منظوری نہ ہو۔ اور قانونی کاروائی و تقاضے پورے ہونے کے بعد دکان/ یونٹ کرایہ دار کے حوالہ کیا جائے گا۔ اور کامیاب بولی دہندہ اس کا پابند ہوگا۔ اور کسی قسم کا اعتراض نہیں کرے گا۔ 7- کامیاب بولی دہندہ کا بالائی / چھت کے ساتھ کسی قسم کا تعلق نہ ہوگا۔ 8- بولی میں حصہ لینے والے افراد صرف اس دکان کی بولی میں حصہ لے سکتے ہیں جس کے لئے فارم پر کیا گیا ہو۔ اگر کوئی ایک سے زیادہ دکانات میں دلچسپی رکھتا ہو۔ اور بولی میں حصہ لینا چاہتا ہو تو ہر دکان کے لئے علیحدہ علیحدہ فارم و کال ڈیپازٹ جمع کرے گا۔ 9- دکان مزکورہ میں کامیاب بولی دہندہ / کرایہ دار خود کاروبار کرے گا۔ کسی دوسرے شخص پر فروخت کرنے یا کسی کو شکمی کرایہ پر دینے کی اجازت نہ ہوگی البتہ منتقلی کی صورت میں کم از کم ایک لاکھ ( 100000) روپیہ ٹرانسفر فیس ناقابل واپسی بطور منتقلی فیس TMA جمع کی جائے گی۔TMAتخت بھائی معروضی حالات کے مطابق ٹرانسفر فیس میں اضافہ کر سکتی ہے اور بولی دہندہ جمع شدہ ایڈوانس / پریمیم رقم کی واپسی کا تقاضہ نہیں کرے گا اور دکان کو قانونی طریقہ کار کے مطابق دوسرے شخص کو منتقل کیا جائے گا۔بصور دیگر دکان کی الائٹمنٹ منسوخ کی جائے گی اگر بولی دہندہ خود وقت مقررہ سے پہلے دکان چھوڑتا ہے یا دکان چلانے میں دلچسپی نہ رکھتا ہو تو ایسی صورت میں بولی دہندہ جمع کردہ رقومات بحق تحصیل میونسپل ایڈمنسٹریشن تخت بھائی ضبط کرکے معاہدہ منسوخ کیا جائے گا۔اور قانونی طریقہ کار کے مطابق دکان کو دوبارہ نیلام کیا جائے گا۔ 10- بولی دہندہ/ کرایہ دار تحصیل میونسپل ایڈمنسٹریشن تخت بھائی کے اجازت کے بغیر دکان میں کسی قسم کا ردبدل( alteration)/ تعمیرات کرنے کا مجاز نہ ہوگا۔ 11- کامیاب بولی دہندہ / کرایہ دار تحصیل میونسپل ایڈمنسٹریشن تخت بھائی کو دو (2) معزز , معتبر،صاحب جائیداد مقامی اشخاص کی ضمانت جمع کرنے کا پابند ہوگا۔ 12- صوبائی حکومت / تحصیل میونسپل ایڈمنسٹریشن تخت بھائی جب چاہے دکان/ جائیداد واپس لے سکتا ہے۔ 13- قدرتی آفات ، ہڑتال یا کسی بھی حادثے کی صورت میں کرایہ دار کسی قسم کے رعایت کا مستحق نہ ہوگا۔ 14- دکان کی مقرر شدہ کرایہ میں کسی قسم کا ردوبدل نہ ہوگا۔ اور کرایہ میں قانونی طریقہ کار کے مطابق سالانہ کم از کم 10 فیصد یا لوکل مارکیٹ ریٹ کے حساب سے اضافہ کیا جائے گا۔اگر بدوران معاہدہ صوبائی حکومت / محکمہ بلدیات کی طرف سے کرایہ میں مزید اضافہ یا کرایہ کے متعلق دیگر احکامات جاری ہونے کی صورت میں کرایہ دار اس کا پابند ہوگا۔ 15- کرایہ دار حکومت کے وضع کردہ پالیسی کے تحت انکم ٹیکس و دیگر ٹیکسز جو کی وفاقی حکومت / صوبائی حکومت /TMA تخت بھائی کی طرف سے لاگو ہو یا وقتا فوقتا لاگو ہوں گے ادا کرنے کا پابند ہوگا۔ 16- حکومت کی طرف سے متعین کردہ محکمے مثلا محکمہ خوراک ، محکمہ لیبر، حلال فوڈ اتھارٹی اور محکمہ داخلہ کے نگران معائنہ اور دیگر قوانین کی پاسدرای کرے گا۔ 17- تحصیل میونسپل ایڈمنسٹریشن تخت بھائی کو بدوران معاہدہ سرکاری ضرورت کی پیش نظر دکان / یونٹ خالی کرنے کا اختیار ہوگا۔ اور باقاعدہ کرایہ دار کو عرصہ ایک ماہ قبل بذریعہ تحریری نوٹس مطلع کیا جائے گا۔ اس سلسلے میں کرایہ دار ہدایات کا پابند ہوگا۔ اور کسی قسم کا اعتراض نہیں کرے گا۔ 18- اگر فریقین کے درمیان کسی وجہ سے تنازعہ پیدا ہوجائے تو ایسی صورت میں متعلقہ ریجنل میونسپل آفیسر مردان کا ثالث( arbitrator ( کا کردار ادا کرے گا، اور اس کا فیصلہ حتمی ہوگا۔ اور اسی دوران کرایہ دار ماہانہ کرایہ تاریح مقررہ پر تحصیل میونسپل ایڈمنسٹریشن تخت بھائی جمع کرنے کا پابند ہوگا۔ 19- کرایہ دار دکان اور ارد گرد صفائی کا انتظام خود کرے گا۔ صفائی نہ رکھنے کی صورت میں معقول جرمانہ کیا جائے گا۔ 20- بولی دہندہ/ کرایہ دار دکان کی سیکورٹی اور چوکیدار ی کے انتظامات اپنے خرچ پر کرے گا۔ 21- کرایہ دار بجلی بلز، ٹیلی فون بلز، واٹر فیس، اور دیگر اخراجات کا خود ذمہ دار ہوگا۔ البتہ بجلی ، گیس اور دیگر یوٹیلٹی کنکشن کے لئے درخواست سے قبل متعلقہ TMA سے NOC لینے کا پابند ہوگا۔ 22- اگر پلازہ یا مارکیٹ میں پارکنگ کی سہولت میسر ہو تو کرایہ دار / دکان دار کو اپنی ایک گاڑی پارک کرنے کی اجازت ہوگی۔ البتہ عوام الناس کے لئے کارپارکنگ میں عمل دخل نہ ہوگا۔ اور نہ ہی اس سلسلے میں کوئی رکاوٹ پیدا کرے گا۔ بصورت دیگر جرم تصور ہوگا۔ 23- کرایہ دار کو دکان یا پلازہ کی حدود میں کسی بھی قسم کا غیر قانونی، غیر اخلاقی یا غیر شرعی کاروبار کرنے کی قطعی اجازت نہیں ہوگی۔ 24- کرایہ دار کو حدودات دکان / پلازہ میں کسی قسم کی ہتھ گاڑی ، کینٹین، کیبن، شوکیس، چھپر، اور سائن بورڈ وغیرہ لگانے اور دکان کے سامنے فٹ پاتھ کاروباری مقاصد کے لئے استعمال کرنے کی اجازت نہ ہوگی۔ 25- مارکیٹ/ پلازہ کے تمام انتظامی اختیارات تحصیل میونسپل ایڈمنسٹریشن تخت بھائی کے پاس ہونگے جس میں کرایہ دار کا کوئی عمل دخل نہ ہوگا۔ 26- پلازہ / دکان میں آتشی سامان ، مضر کاروبار، گیس سلینڈر، ویلڈنگ کی اجازت نہ ہوگی۔ 27- کسی بھی کمرشل بینک، دفتر، کمپنی اور کسی بھی قسم کی قومی یا بین الاقوامی فرنچائز کی طرف سے اظہار دلچسپی کی صورت میں متعلقہ TMAہاہمی گفت و شنید کے ذریعے کرایہ ، ایڈوانس و دیگر شرائط و ضوابط طے کرے گی۔ جس کی حتمی منظوری بعد از سفارشات متعلقہ RMO ایک مہینے کے اندر اندر لوکل کونسل بورڈ سے لی جائے گی۔ 28- کرایہ دار دکان میں کاروبار شروع کرنے سے پہلے باقاعدہ طور پر کاروبار کی نوعیت سے TMAتخت بھائی کو تحریری طور پر اگاہ کرنے کا پابند ہوگا۔ 29- دکان کی ارائش و زیبائش کرایہ دار خود کرنے کا پابند ہوگا۔ اور دیوار / پردہ تعمیر اور شٹر لگانا کرایہ دار کی خود کی ذمہ داری ہوگی۔ علاوہ ازیں مرمت کی صورت میں TMA تخت بھائی سے پیشگی اجازت لینی ہوگی۔ بصورت دیگر یہ عمل غیر قانونی تصور ہوگا۔ 30- کرایہ دار اپنے ذاتی ملاازمین کی جملہ کوائف تحصیل میونسپل ایڈمنسٹریشن تخت بھائی کو فراہم کرنے کا پابند ہوگا جو کہ پولیس سے تصدیق شدہ ہونگے۔ 31- معاہدہ کے اختتام کے وقت بولی دہندہ /کرایہ دار دکان کو اسی حالت میں حوالہ کرے گا۔ بدوران معاہدہ کسی قسم کی خرابی ، حادثہ کی صورت میں بولی دہندہ / کرایہ دار اپنے خرچ پر مرمت کرےگا یا ضمانت کنندہ آپنے خرچ پر مرمت کرنے کا پابند ہوگا۔ بصورت دیگر سیکورٹی کال ڈیپازٹ بخق سرکار ضبط کیا جائے گا۔ 32- تحصیل میونسپل ایڈمنسٹریشن تخت بھائی کی طرف سے تعمیر / مرمت یا دیگر کسی صورت میں پلازہ یا دکان کو بند کرنا پڑے تو کرایہ دار کسی قسم کا اعتراض نہیں کرے گا ۔ 33- بولی دہندہ یا کرایہ دار حکومت، محکمہ بلدیات، اور تحصیل میونسپل ایڈمنسٹریشن تخت بھائی کے وقتاً فوقتاً جاری کردہ احکامات کا پابند ہوگا۔ 34- پلازہ/ دکان / یونٹ کے سلسلے میں حکومت کی طرف سے جو بھی احکامات اور جو بھی ہدایات موصول ہو۔ کامیاب بولی دہندہ اس کا پابند ہوگا۔ 35- کامیاب بولی دہندہ پلازہ / دکانات کی متعلق تما م تر شرائط کا پابند ہوگا۔ 36- زیر دستخطی / مجاز اتھارٹی کو حق حاصل ہے کہ وہ معقول وجوہات کی بناء پر کسی بھی دکان کی بولی کو مسترد کردے۔ 37- درجہ بالا شرائط میں کسی بھی شرط کی خلاف ورزی کی صورت میں بولی دہندہ کے ایڈوانس رقومات بحق تحصیل میونسپل ایڈمنسٹریشن تخت بھائی ضبط کرکے بولی منسوخ کی جائے گی۔ اور دکان مزکورہ دوبارہ نیلامی کے لئے پیش کی جائے گی۔ اور بولی دہندہ کسی قسم کی قانونی چارہ جوئی کا حق دار نہ ہوگا۔ مزید معلومات کے لئے تحصیل آفیسر ریگولیشن برانچ TMAتخت بھائی سے رابطہ کیا جا سکتا ہے۔